கல்வியின் விலை - 2 - விலைவாசியும் வாங்கு திறனும்

இந்த இடுகைத்தொடர் சிறந்த இடுகையாக செய்திகள்/நிகழ்வுகளின் அலசல்கள் பிரிவில் 2008ஆம் வருடம் தேர்ந்தெடுக்கப்பட்டது

இடம் : முதலிடம்

-oOo-

எனது முந்தைய பதிவில் (மெட்ரிகுலேஷன் / தனியார் பள்ளிகளின் மறுபக்கம்) மாணவர்கள் கல்வி கட்டணம் செலுத்த முடியாததால் மூடப்படும் தனியார் பள்ளி குறித்து சில கேள்விகளை (எழில் அவர்கள் கூறியபடி ஆதங்கம்) எழுப்பியிருந்தேன். மேலும் சில கருத்துக்கள் இந்த பதிவில்.....

கடந்த பதினைந்து வருடங்களாக விலைவாசி அதிகரித்து வருகிறது என்பதில் யாருக்கும் சந்தேகம் இருக்காது. அதே போல் சம்பளமும், வருமானமும் அதிகரித்து வந்துள்ளன.

ஆனால் அனைத்து பொருட்களும் விலை உயர்ந்துள்ளதா என்றால் இல்லை என்று தான் பதில் கூற வேண்டும்

சில பொருட்களின் விலை குறைந்துள்ளது - உதாரணமாக செல்லிடப்பேசி, கணனி போன்றவைகளை கூறலாம்

சில பொருட்களின் விலை அப்படியே உள்ளது - எனக்கு தெரிந்து 6x4 மேக்ஸி புகைப்படம் அச்சிடும் (அல்லது வேறு சொல் என்ன) கட்டணம் பதினைந்து வருடங்களாக 5 ரூபாய் தான்

பெரும்பாலான பொருட்களின் விலை கூடியுள்ளது

• தங்கத்தை எடுத்துக்கொண்டால் 1993ல் இருந்ததை விட 2.5 முதல் 3 மடங்கு விலை கூடியுள்ளது
• பெட்ரோலை எடுத்துக்கொண்டால் 1993ல் இருந்ததை விட 2.5 முதல் 3 மடங்கு விலை கூடியுள்ளது
• பேரூந்து கட்டணம் 2.5 முதல் 3 மடங்கு

இப்பொழுது மற்றுமொரு கோனத்தில் இதை அனுகுவோம்
[முதலில் ஒரு பொறுப்பெல்லை மொழி அல்ல்து உரிமைத் துறப்பு (தமிழ் வலைப்பதிவு மொழியில் டிஸ்கி) - நான் பொருளாதார நிபுனர் அல்ல]

பொருளாதார ரீதியாக மூன்று அடுக்குகளை நாம் பல வருடங்களாகவே கூறிக்கொண்டுவருகிறோம் -

• மேல்தட்டு அல்லது பொருளாதார ரீதியாக முன்னேறியவர்கள்,
• நடுத்தட்டு அல்லது நடுத்தரவர்க்கம்,
• பின்தட்டு அல்ல்து பொருளாதார ரீதியாக பின்தங்கியவர்கள்-

1993ல் இருந்து இன்று (2008) ஒரு பொருளின் (அல்லது சேவையின்) விலை

• 2.5 முதல் 3 மடங்கை விட அதிகம் உள்ளதா, அல்லது,
• 2.5 முதல் 3 மடங்கு உள்ளதா இல்லை
• 2.5 முதல் 3 மடங்கை விட குறைந்துள்ளதா (அப்படியே உள்ள விலை, மற்றும் விலை குறைவு)

என்று பார்த்து இதை மூன்று அடுக்காக பிரிப்போம்

உதாரணமாக, 1993ல் 10 ரூபாய்க்கு விற்ற ஒரு பொருள், 2008ல்

• 30 ரூபாயை விட அதிகமாகி விட்டதா
• 25 முதல் 30 ரூபாய் உள்ளதா
• 25 ரூபாயை விட கம்மியாகி விட்டதா - அது 10 ரூபாயில் இருந்தாலும் (உதாரணம் புகைப்படம், பத்து ரூபாயைவிட குறைந்தாலுல் (உதாரணம் செல்லிடப்பேசி) இந்த அடுக்கிலேயே வைப்போம்

என்று பார்த்தால் சில விஷயங்களை புரிந்து கொள்ளலாம்

1993 ஒரு பொருள் (அல்லது சேவை) அனைத்து மக்களாலும் பயன்படுத்தப்பட்டது (அல்லது அவர்கள் பயன்படுத்தும் எல்லைக்குள் இருந்தது) என்று வைத்துக்கொள்ளுங்கள்.

• இன்று அப்பொருளின் விலை உயர்வு மூன்று மடங்கிற்குள் மட்டும் இருந்தால் மட்டுமே அனைவராலும் பயன்படுத்த முடியும்
  
• இன்று அது மூன்று மடங்கை விட அதிகம் உயர்ந்து விட்டது என்றால் அதை பின் தட்டு மக்களால் பயன்படுத்த முடியாது.
  
• மேலும் விலை உயர்ந்தால் நடுத்தட்டு மக்களாலும் கூட பயன்படுத்த முடியாது

1993 ஒரு பொருள் (அல்லது சேவை) மேல்தட்டு மற்றும் நடுத்தட்டு மக்களால் பயன்படுத்தப்பட்டது (அல்லது அவர்கள் பயன்படுத்தும் எல்லைக்குள் இருந்தது) என்று வைத்துக்கொள்ளுங்கள்.

• 2.5 மடங்கை விட விலையுயர்ந்தாலோ, விலை அப்படியே இருந்தாலோ, அல்லது விலை குறைந்தாலோ பின் தட்டு மக்கள் கூட பயன்படுத்த முடியும்
• 2.5 மடங்கு உயர்ந்தால் நடுத்தட்டு மற்றும் மேல்தட்டு மக்களால் பயன்படுத்த முடயும்.
  
• இன்று அது மூன்று மடங்கை விட அதிகம் உயர்ந்து விட்டது என்றால் அதை நடுத்தட்டு மக்களால் பயன்படுத்த முடியாது.

1993 ஒரு பொருள் (அல்லது சேவை) மேல்தட்டு மக்களால் மட்டும் பயன்படுத்தப்பட்டது (அல்லது அவர்கள் பயன்படுத்தும் எல்லைக்குள் இருந்தது) என்று வைத்துக்கொள்ளுங்கள்.

• 2..5 மடங்கை விட குறைவாக விலையுயர்ந்தால் நடுத்தட்டு கூட பயன்படுத்த முடியும். விலை அப்படியே இருந்தாலோ அல்லது விலை குறைந்தால் அனைவரும் பயன்படுத்தலாம்.
• 2.5 மடங்கு உயர்ந்தால் மேல்தட்டு மக்களால் பயன்படுத்த முடியும்.
• இன்று அது மூன்று மடங்கை விட அதிகம் உயர்ந்து விட்டது என்றால் அதை மேல்தட்டு மக்களிலேயே சிலர்தான் பயன்படுத்த முடியும்.

எனவே வாங்கு திறன் (பர்சேசிங் பவர்) என்பது அனைத்து பொருட்களுக்கும் ஒன்றல்ல. இது பொருளுக்கு பொருள் மாறுபடும்.

அதேபோல் வாங்கு திறன் (பர்சேசிங் பவர்) என்பது அனைத்து மக்களுக்கும்  ஒன்றல்ல. இது அவரவரின் பொருளாதார நிலையை பொருத்து. கடந்த பதினைந்து ஆண்டுகளில், ஒரு விளம்பர பலகை எழுதுபவரின் வாங்கு திறனை விட அடோபியில் விளம்பரங்களை வடிவமைத்து அச்சிடுபவரின் வாங்கு திறன் கூடியுள்ளது.

அப்படியென்றால் எந்தெந்த பொருட்களின் வாங்குதிறன் அதிகரித்து உள்ளது

• ஒரு பொருளின் விலை 2.5 முதல் 3 மடங்கை விட குறைந்துள்ளது
  
• கார் - மாருதி 800
  
• ஒரு பொருளின் விலை அப்படியே உள்ளது
  
• புகைப்படம்,
  
• பெப்சி, கோக் !!! (அதே பத்து ரூபாய் தானே)
  
• ஒரு பொருளின் விலை குறைந்துள்ளது
  
• கணிப்பொறி, மடிக்கணனி, இணைய இனைப்பு கட்டனம்
• செல்லிடப்பேசி,
• 
  

அப்படியென்றால் எந்தெந்த பொருட்களின் வாங்குதிறன் அப்படியே உள்ளது

• 2.5 முதல் 3 மடங்கு அதிகரித்து உள்ளது
• பெட்ரோல்,
  
• தங்கம்

எந்தெந்த பொருட்களின் வாங்குதிறன் குறைந்து உள்ளது

• 2.5 முதல் 3 மடங்கை விட அதிகமாகி உள்ளது என்றால் அந்த பொருளின் வாங்குதிறன் குறைந்துள்ளது.
  
• திரைப்பட கட்டணம்
• திரையரங்குகளில் விற்கப்படும் உணவு பொருட்களின் கட்டணம்
• கல்விக்கட்டணம்
  

இதே விவாதம் தொடரும் அடுத்த பதிவு : கல்வியின் விலை - 3 - எங்கே செல்லும் இந்த பாதை

இந்த இடுகை உங்களுக்கு பிடித்திருந்தால் மறக்காமல் வாக்களிக்கவும்.

• தமிழிஷ் தளத்தில் வாக்களிக்க இந்த சுட்டியை ஒரு முறை மட்டும் சுட்டவும் (க்ளிக் செயயவும்)
• தமிழ்மணத்தில் ஆதரவு வாக்களிக்க கீழுள்ள கருவிபட்டையில் மேல்நோக்கியுள்ள கைவிரலை சொடுக்கவும்

எவ்வளவு பிடித்தது என்பதை கீழே உள்ள நட்சத்திரங்களை சுட்டுவதன் மூலமும் தெரிவிக்கலாம்

Opinion

இந்த வலைபதிவிற்கு நேரடியாக (உலாவி மூலம்) வராமல் செய்தியோடை மூலமாகவும் இடுகைகளை தொடர்ந்து வாசிக்கலாம். செய்தியோடையை பெற இங்கு சுட்டவும்