சுகப்பிரசவமும், அறுவை சிகிச்சையும், ஊடக நீதிமன்ற தலையீடும் - ஏன் மருத்துவர்கள் சிசேரியன் செய்கிறார்கள்

சிசேரியன் அறுவை சிகிச்சை செய்யாததை தவறு என்று கூறி மருத்துவர்கள் / மருத்துவமனையின் மீது சேற்றை வாரியிரைக்கும் (mud slinging / smear campaign) செயல்கள் தற்சமயம் தொடர் மின்னஞ்சல்கள் மற்றும் பிறதளங்களில் நடந்து வருவதால் சென்ற வருடம் (20 மே 2008) “மருத்துவம் தொடர்பான நையாண்டி நைனாவின் மழுப்பல் கேள்விகளுக்கு தெளிவான விடைகள்” என்ற தலைப்பில் எழுதிய இந்த இடுகை மேலும் சில புதிய தகவல்கள், கருத்துக்கள் மற்றும் படங்களுடன் மீள்பதிவு செய்யப்படுகிறது. 

இந்த இடுகையின் நோக்கம் கீழே குறிப்பிடப்பட்டிருக்கும் மருத்துவமனைக்கு வக்காலத்து வாங்குவது இல்லை என்பதை புரிந்து கொள்ளவது எளிது தான். இந்த மீள்பதிவின் நோக்கம் சிசேரியன் சதவிதங்கள் அதிகரித்ததற்கு முக்கிய காரணம் மருத்துவர்களின் மேல் செலுத்தப்படும் “அழுத்தங்கள்” என்பதை பதிவு செய்ய

அழுத்தங்கள் என்பது நீதிமன்ற தலையீடு மற்றும் ஊடக தலையீடு, அந்த பகுதி கட்டபஞ்சாயத்து என்று பலவகைப்படும் !!!

இந்த உதாரணம் ஊடக தலையீடு. நீதிமன்ற தலையீட்டிற்கு ஏகப்பட்ட உதாரணங்கள் இருக்கின்றனவே

இன்று புதிதாக எழுதப்பட்டவை அடர்சிகப்பு நிறத்தில் இருக்கின்றன
-oOo-

கேள்விகள் கேட்டது நையாண்டி நைனா

எனது முந்தைய பதிவில் நையாண்டி நைனா என்ற பதிவர் சில கேள்விகளை கேட்டிருந்தார். அனைத்திற்கும் நான் தெளிவான பதில் அளித்திருந்தேன். மேலும் அவரிடம் சில கேள்விகளும் கேட்டிருந்தேன். பதிலும் வரவில்லை

அவர் மேலும் சில கேள்விகளை கேட்கிறார்

மருத்துவர் ஐயா திரு. புருனோ அவர்கள், சொல்கிறார் டெஸ்ட் எடுக்க நீதி மன்றங்கள் வற்புறுத்துகின்றதாம். நீதி மன்றங்கள் அதனிடம் முறை இடப்பட்ட வழக்கு சார்ந்த வகைகளுக்கு மட்டுமே அவ்வாறு வற்புறுத்துகிறது, மற்றைய நேரங்களில் அதன் தலையீடு இருப்பதில்லை,

நைனா, என்னிடம் வரும் 100 நோயாளிகளில் ஒருவர் மட்டும் தான் நீதிமன்றம் போவார். ஆனால் யார் அந்த ஒருவர் என்று எனக்கு தெரியாது. எனவே 100 பேரும் நீதிமன்றம் செல்வார்கள் என்று நினைத்து வைத்தியம் பார்க்கும் நிலைக்கு மருத்துவர்களை தள்ளியது சமுகம் தான்.

உங்களுக்கு வரும் அனைத்து மின்னஞ்சல்களிலும் நச்சு நிரல் இருக்காது. ஆனால் அனைத்து மின்னஞ்சல்களையும் சோதிப்பீர்கள் அல்லவா.

அதே போல் தான் இதுவும்.
அதாவது, ஒரு சாதாரண பொதுஜனம், நம்ம நையாண்டி நைனா போகிறார் என்று வைத்து கொள்ளுங்களேன் அவரிடம் தேவை இல்லாத சில / பல பரிசோதனைகளை பரிந்துறைப்பது ஏன்?

இது மழுப்பலான கேள்வி. தேவையே இல்லாத பரிசோதனை என்று நையாண்டி நைனா என்ன சொல்கிறார். ஒரு உதாரணம் தர முடியுமா.

(சோதனைகள் செய்யாமல் எப்படி நோயை கண்டு பிடிப்பது என்று எதிர் கேள்வி கேட்க தேவை இல்லை. மேலும் அது மருத்துவதிற்கு தேவை அற்றது என்று நீங்கள் எப்படி முடிவு செய்கிறீர்கள்? மாற்று மருத்துவம் நீங்களே சொல்லுங்கள் என்று கேட்டு கேள்வியின் நோக்கத்தை திசை திருப்பும் முகமாக பதிலை நான் விரும்ப வில்லை.)

இது திசை திருப்புவது இல்லை. இது தான் உங்களின் கேள்விக்கு நேரான பதில்.
சோதனைகள் (உதாரணமாக நாக்கை நீட்டச்சொல்லி பார்ப்பது, இரத்த அழுத்தம் எடுப்பது) கூடாது என்று நீங்கள் கூறுவது வித்தியாசமாக உள்ளது.

பலர் கூறியபடி இது உயிர் சம்பந்தமான துறை. இங்கு ஏன் ஸார் உங்கள் நையாண்டி

என் வாழ்வில் எனக்கு நடந்த ஒரு சின்ன அனுபவம். எனக்கு வயது 27 ஆகும் சமயம், அதாவது கடந்த வருடம். எனக்கு கடைவாய் பல்லின் அருகே, வலி வந்தது ஒரு மருத்துவரிடம் சென்றேன் அவர் ஒன்றுமே கேட்காமல், " போய் ஒரு எக்ஸ்ரே எடுத்து வாருங்கள் " என்று சொல்கிறார். நானாக ஒரு வலி நிவாரண மாத்திரை எழுதி வாங்கி உட்கொண்டு, பின்னர் என் வீட்டிற்கு போன் செய்து சொன்னதும் எனது தந்தை கூறுகிறார் " உனக்கு கடைவாய் பல் வளரும் பருவம் அது தான் வளர்கிறது, வேறொன்றும் இல்லை" என் தந்தை கூறிய படியே நடந்தது.

உண்மை என்னவென்றால்

கடைவாய் பல் வளரும் போதும் வலி வரும். தாடை எலும்பில் புற்று நோய் வந்தாலும் வலி வரும்.

ஒரு மருத்துவரிடம் வரும் 1000 நபர்களில் 999 பேருக்கு வலி கடைவாய் பல் வளர்வதால். 1 நபருக்கு வரும் வலி தாடை எலும்பில் புற்று நோயினால். அதே சமயம் ஒருவருக்கு பல் வளர வேண்டிய நேரத்தில் வளர வில்லை என்றால் அவருக்கு புற்றுநொய் அல்லது சில வகை கட்டிகள் வரும் வாய்ப்புகள் அதிகம்.

நாளை அந்த ஒருவர் நீதிமன்றம் சென்று ”முதலில் வலிக்கும் பொழுதே நான் இந்த மருத்துவரிடம் சென்றேன். அவர் ஆரம்ப நிலையில் என் புற்றுநோயை கண்டுபிடிக்க வில்லை - எனக்கு 5 லட்சம் நஷ்ட ஈடு வேண்டும்” என்று வழக்கு தொடர்ந்தால் நீதிமன்றம் “நீ ஊடுகதிர் எடுக்காது குற்றம். எனவே பிணியாளருக்கு 5 லட்சம் நஷ்ட ஈடு அளி” என்று உத்தரவிடுகிறது.

பொதுவாக ஒருவருக்கு கடைவாய் பல் வரும் வயது 17 முதல் 21 வரை.



எனவே 27 வயது நபர் ஒருவர் பல் வலி என்று வந்து அவருக்கு கடைவாய் பல் வளர வில்லை என்றால் பல காரணங்கள் இருக்கலாம். ஒரு காரணம் அவர் குடும்ப (அல்லது உடல்) வாகு. அது மட்டும் காரணம் அல்ல. அது ரிக்கெட்ஸாக இருக்கலாம். அல்ல்து தைராய்டு குறைபாடாக இருக்கலாம், பைரஸ் டிஸ்ப்ளேசியாவாக இருக்கலாம், டவுன்ஸ் ஸிண்ட்ரோமாக இருக்கலாம், மேலும் விபரம் தேவைப்படுவோர் கிழ்க்கண்ட கட்டுரைகளை வாசிக்கலாம்

• Johnsen DC. Prevalence of delayed emergence of permanent teeth as a result of local factors. J Am Dent Assoc 1971;14:100-6.
  
• Kaban LB, Needleman HL, Hertzberg J. Idiopathic failure of eruption of permanent molar teeth. Oral Surg 1976;42:155-63.
  

நமது நண்பரின் தந்தைக்கு இந்த காரணங்கள் குறித்து தெரிந்திருக்க வாய்ப்பில்லை. அவருக்கு தெரிந்த ஒரே காரணத்தை கூறியுள்ளார். அப்படி இல்லாமல் போனால் அவர் மீது வழக்கு தொடர முடியாது. ஆனால் ஒரு மருத்துவர் அப்படி கூற முடியாது. இதில் வேறு எதாவது காரணம் இருந்து அதௌ மருத்துவர் கண்டுபிடிக்க வில்லை என்றால் மருத்துவர் மீது வழக்கு தொடரலாம். அது தான் ஒரு மருத்துவருக்கும் பொது ஜனத்திற்கும் உள்ள வித்தியாசம்.

இது போல் நடப்பதால் தான் மருத்துவர்கள் ஆதாரத்தை பதிவு செய்வதற்காக சோதனை செய்கிறார்கள்.

இது குறித்து நான் ஏற்கனவே போன பதிவில் தெளிவாக விளக்கியிருந்தேன்.

உங்களுக்கு தெரியுமா : அரசு மருத்துவமனையில் கூட வெளியில் எடுத்த நுண்ணொளி மற்றும் திசு சோதனையை வைத்து அறுவை சிகிச்சை செய்வதில்லை.

அரசு மருத்துவமனையில் மீண்டும் இலவசமாகவே

இரத்த பரிசோதனை
நுண்ணொளி (Ultrasonogram)
திசு பரிசோதனை (Biopsy) செய்வார்கள் என்று தெரியுமா

ஒரு நோயாளி வெளியில் நுண்ணொளி பரிசோதனை செய்திருந்தாலும்
கண்டிப்பாக அரசு மருத்துவமனையில் மறுமுறை நுண்ணொளி சோதனை செய்யப்படும். அது போல் வெளியிடங்களில் செய்த திசு சோதனையில் புற்று நோய் என்று இருந்தால் உடனே அரசு மருத்துவமனையில் அறுவை சிகிச்சை செய்ய மாட்டர்கள். மறுபடியும் சோதனை செய்து அரசு நோய் குறியியல் மருத்துவ பேராசிரியர் (Professor of Pathology) அதை புற்று நோய் என்று உறுதி படுத்தினால் தான் அறுவை சிகிச்சை

ஏன்.

அப்படி (அரசு மருத்துவமனையிலேயே மீண்டும் இலவசமாக) செய்வதால் அரசு மருத்துவருக்கு என்ன லாபம்....

வேலை பளு அதிகரித்தாலும் கூட செய்வதற்கு காரணம் நீதிமன்றங்கள் தான்

எப்பொழுது மருத்துவம் நுகர்வோர் நீதிமன்றங்களுக்கு உட்பட்டதோ அப்பொழுதே இதெல்லாம் ஆரம்பித்து விட்டது

இதை போல் என் அண்ணனுக்கும் நடந்தது. ஒரு சாதாரண மனிதருக்கு தெரியும் இந்த விவரம் ஒரு மருத்துவருக்கு தெரியாமல் போனது ஏன்? (இது ஒரு சின்ன எடுத்துக்காட்டு மட்டுமே.)

சாதாரண மனிதர் அப்படி சொல்லலாம் .ஏனென்றால் அவர் சாதாரண மனிதர். நீங்கள் அவர் மேல் வழக்கு தொடர மாட்டீர்கள். மருத்துவர் அப்படி சொல்ல முடியாது என்று நீதிமன்றம் கூறுகிறது

புரிகிறதா

ஏன் சார் தெளிவாக விளக்கிய பின்னரும் அதே கேள்வி கேட்கிறீர்கள். புரியவில்லையா, அல்ல புரியாதது போல் நடிக்கிறீர்களா

அது சரி,

அப்படி சாதாரண மனிதருக்கு தெரிகிறது என்றால் நீங்கள் ஏன் மருத்துவரிடம் சென்றீர்கள் :) :) :) அது கூட நையாண்டி தானா

வேண்டும் என்றே இயற்கையாக வரும் பிரசவ வலியினை மட்டுருத்தி, சிசேரியன் செய்ய வற்புறுத்தாமை வேண்டும் என்று நான் கூறினால், நீங்கள் சொல்கிறீர்கள் "அப்படி சுகப்பிரசவம் ஆக சிறிது நேரம் பொறுக்கலாம். ஆனால் அதில் ஆபத்து அதிகம். பிறகு பிரச்சனை வந்தால் நீங்கள் (அதாவது பொது ஜனம்) என்ன கூறுவீர்கள். முதலிலேயே அறுவை சிகிச்சை செய்ய வேண்டியது என்று தானே"

அப்படி பொதுஜனம் கூறவில்லையா. மருத்துவம் நுகர்வோர் நீதிமன்றங்களுக்கு அப்பாற்பட்டது என்று சட்டம் இயற்றினால் பரிசோதனைகள் குறையும். (நீங்கள் இதை ஆதரிக்கிறீர்களா)

சுக பிரசவத்தில் சிக்கலா?????

உங்களின் கேள்வியே தவறு.

சாமி, பிரசவம் என்பது

• சுகப்பிரசவம்
• சிக்கலான பிரசவம்
• அறுவை சிகிச்சை மூலமாக தாயும் சேயும் நலம்
• அறுவை சிகிச்சை செய்யாததால் தாய், சேய், தாயும் சேயும் உடல் குறைவு அல்லது மரணம்
  

புரிகிறதா...

அப்படி என்றால் நம் முன்னோர்கள் 10 - 15 பிள்ளைகள் பெற்றார்களே எப்படி?

முன்னோர்களின் காலத்தில் தமிழகத்தில் ”பிரசவ கால மரண விகிதம் ” (Maternal Mortality Rate) 3 சதவிதமாக இருந்தது. அதாவது 1000 பிரசவங்களில் 30 பேர் மரணித்தார்கள். இன்று தமிழகத்தில் 0.08 சதமாக (அதாவது 1000 பிரசவங்களில் 0.8) பேர் மரணிக்கிறார்கள்.

இது ஆதார பூர்வ தகவல் . வேண்டுமானால் யாரிடமும் கேட்டுக்கொள்ளுங்கள்

இந்தியாவின் சக்கரவர்த்தியே அக்காலத்தில் தனது காதல் மனைவியை பிரசவ கால மரணத்திற்கு பரிகொடுத்தார். தெரியுமா (மன்னர் யார் என்று தெரிந்தவர்கள் பின்னூட்டத்தில் கூறலாம்)

சரி, அந்த இக்கட்டான நிலமையையும் சமாளிக்க தானே மருத்துவ மனை தேடி வருகிறார்கள். சுகமாய் பிரசவம் ஆகவேண்டும். ஏதேனும் அசம்பாவிதம் நடந்தால் சமாளிக்க தானே மருத்துவ மனைகளே ஒழிய, சுக பிரசவம் ஆகும் முன்னரே சிசேரியன் செய்வதற்கு அல்ல.

சாமி, அசம்பாவிதம் நடக்கும் என்று தெரிந்தால் நடக்கும் முன்னரே நடவடிக்கை எடுப்பது தான் புத்திசாலித்தனம். தாய் உயிருக்கு போராடுவது வரை ஏன் விட வேண்டும்

உதாரணமாக நீங்கள் பயணம் கிளம்புகிறீர்கள். ஒரு சக்கரத்தில் காற்று கம்மியாக உள்ளது. கிளம்பும் முன்னரே அதை சரி செய்வீர்களா அல்லது பாதியில் எதாவது பஞ்சர் கடை இருக்கும் என்று கிளம்புவீர்களா.

மற்றபடி, நீங்கள் கூறும் ”இக்கட்டான நிலைமை வரும் (பாதி வழியில் சீருந்து நிற்கும்) என்று தெரிந்தாலும் முதலில் ஒன்றும் (சக்கரத்தை மாற்றுவது அல்லது ஒட்டையை அடைப்பது) செய்யாமல் இக்கட்டான நிலைமை வந்தபின் (வாகனம் பாதியில் நின்றபின்) ”இக்கட்டான நிலமையையும் சமாளிக்க தானே ” _______ (பஞ்சர் கடை) என்ற உங்கள் கூற்றை வேறு யாரும் ஏற்றுக்கொள்வார்களா என்று தெரியவில்லை.

மற்ற வலைப்பதிவர்களுக்கு : சுகப்பிரசவம் ஆகாது என்று தெரிந்த பின், தாயும் சேயும் நலமாக இருக்கும் போதே அறுவை செய்ய வேண்டுமா, அல்லது தாயிற்கு வலி எடுத்து இரத்த போக்கு அதிமாகி (ante partum hemorrhage, post partum hemorrhage, rupture uterus) சிசுவிற்கு முச்சு தினறல் (foetal distress) ஏற்பட்ட பின் அறுவை சிகிச்சை செய்ய வேண்டுமா.

தாயும் சேயும் நலமாக இருக்கும் போதே அறுவை செய்யதால்
தாய் நலமாக இருப்பதற்கு வாய்ப்பு - 95 %
சேய் நலமாக இருப்பதற்கு வாய்ப்பு - 95 %

பிரசவ வலி ஏற்பட்ட பின் அறுவை செய்யதால்
தாய் நலமாக இருப்பதற்கு வாய்ப்பு - 50 %
சேய் நலமாக இருப்பதற்கு வாய்ப்பு - 25 %

என்றால் நீங்கள் என்ன முடிவு எடுப்பீர்கள்

நையாண்டி நைனா தான் இரண்டாவது முடிவு எடுப்பதாக் கூறுகிறார் (இது கூட நையாண்டி தானா)

முதல் முடிவு எடுப்பது மருத்துவர்கள் பணம் சம்பாதிக்க என்று கூறுகிறார்.  மற்றவ்ர்களின் கருத்தென்ன ?? உங்களுக்கு குழப்பமாக இருக்கிறது என்றால் விஜயசங்கரின் இந்த இடுகையை வாசியுங்கள். மருத்துவர்கள் ஏன் அறுவை சிசிச்சை செய்கிறார்கள் என்பது தெளிவாக புரியும். முதலில் அறுவை சிகிச்சை வேண்டாம் என்றும் தாங்கள் “ரிஸ்க் எடுக்க தயார்” என்றும் கூறுபவர்கள் சுகப்பிரசவத்தில் ஏதாவது சிக்கல் வந்த பின்னர் அதற்கும் மருத்துவர் தான் காரணம், என்று குற்றம்சாட்டி அந்த மருத்துவரின் பெயரை / மருத்துவமனையின் பெயரை தொடர் மின்னஞ்சல்களிலும் முகபுத்தகத்திலும் (facebook) பிறதளங்களிலும் கெடுப்பதாக கூறி மிரட்டி பணம் கேட்கும் (blackmail) கொடுமை நடக்கும் போது நையாண்டி நைனாக்கள் அமைதியாக இருக்கும் மர்மம் என்ன


அந்த மருத்துவமனையில் செயல்பாடுகளை நான் நியாயப்படுத்த முயலவில்லை. ஆனால் அதே நேரம் தேவையில்லாமல் சிசேரியன் செய்கிறார்கள், அந்த மருத்துவமனையில் சுகப்பிரசவமே ஆவதில்லை என்றெல்லாம் அவதூறு பரப்பும் பதிவர்கள்


ஒரு நிமிடம் சிந்தித்து


முதலிலேயே அறுவை சிகிச்சை செய்திருந்தால் உங்கள் குழந்தை பிழைத்திருக்கும், தாமதமாக செய்ததால் தான் குழந்தை இறந்து விட்டது என்ற நிலை உங்களுக்கு வந்தால்


நீங்கள் என்ன முடிவெடுப்பீர்கள் என்று கூற முடியுமா


அல்லது


சுகப்பிரசவத்தில் சிக்கல் வந்ததால் குழந்தையின் கைசெயல்படாமல் போய்விட்டால் (அறுவை சிகிச்சையில் இந்த பாதிப்பு வந்திருக்காது) என்றால் சுகப்பிரசவம் பார்த்த அந்த மருத்துவமனையை திட்டுவீர்களா அல்லது பாராட்டுவீர்களா

சாலையில் செல்லும் ஒருவரை இரு சக்கர வாகனம் இடித்து விட்டால் (யார் மேல் தவறிருந்தாலும்) நாம் அந்த வாகன ஓட்டியைத்தான் அடிப்போம். அதே போல் இரு சக்கர வாகனமும் நான்கு சக்கர வாகனமும் இடித்து விட்டால் நம்மிடம் அடி வாங்குவது அந்த நான்கு சக்கர வாகன ஓட்டுனரே


அதே போல் இது போல் ஒரு கை ஊனமான குழந்தை ஒரு புறமும், மருத்துவர் மறுபுறமும் நின்றால் கட்டாயம் அந்த மருத்துவர் தான் அடி வாங்குவார். அது தான் இன்று நடக்கிறது - நீதிமன்றங்களிலும், ஊடகங்களிலும், தற்சமயம் ப்ளாக்கரிலும், பேஸ்புக்கிலும், வோர்ட்பிரசிலும், மருத்துவர் தவறு செய்ய வில்லை என்றால் கூட மருத்துவமனையை குற்றம் சாட்டுகிறார்கள்


அதுவும் அந்த குழந்தை இறந்து விட்டால், 40 வாரம் சுமந்து பெற்ற தாயின் மேல் உள்ள பரிதாபமும் சேர்ந்து விடுகிறது


இந்த பெங்களூர் மருத்துவமனை விவகாரத்தில் அந்த தாயிடம் ஏற்கனவே சிசேரியன் செய்ததால் அதன் பிறகு சுகப்பிரசவம் என்பது தாயிற்கும் சேயிற்கும் அதிக அளவு சிக்கல் நிறைந்தது என்று தெளிவாக கூறப்பட்டிருக்கிறது


இருந்தாலும் அந்த தாய் சுகப்பிரசவமே தேவை என்று கூறியுள்ளார். இது போல் பலரும் கூறியிருப்பார்கள்


சுகப்பிரசவத்தில் பிரச்சனை இல்லாத 99 பேரும் வீட்டிற்கு சென்று விட்டார்கள். இது போல் ஏற்கனவே அறுவை சிகிச்சை செய்தவர்களுக்கு கூட மறுமுறை சுகப்பிரசவம் முயன்று பார்க்கும் அந்த மருத்துவமனையை பாராட்டி இணையத்தில் ஏதாவது பதிவு இருக்கிறதா என்று தெரியவில்லை :) :)


ஆனால் சிக்கல் என்றவுடன் “எனக்கு அறுவை சிகிச்சை செய்ய வேண்டியது தானே” என்று போர்க்கொடி


அதற்கு சிங்கி அடிக்க இணையத்தில் மேலும் சில தற்குறிகள் :( :(


இது போன்ற சிக்கல்கள் இருப்பதால் தான் பெரும்பாலன மருத்துவர்கள் ஒரு சிறிய பிரச்சனை இருந்தாலும் அறுவை சிகிச்சை செய்ய விரும்புகிறார்கள் 


மருத்துவர்கள் / மருத்துவத்துறையில் மேல் காழ்ப்புணர்வு அல்லது புரிந்து கொள்ளும் தன்மை குறைவு அல்லது அறியாமை ஆகியவற்றுடன் பதிவு மற்றும் மறுமொழி எழுதும் பதிவர்கள் இனியாவது உண்மையை தெரிந்து கொண்டு திருந்துவார்கள் என்று எதிர்பார்க்கலாமா

இயற்கையாக வரும் பிரசவ வலி ( பிரசவ வலி வந்தால், பிரசவம் ஆகிவிடும்,

ஆகா,
எப்படி சார் உங்களால் இப்படி எல்லாம் நையாண்டி செய்ய முடிகிறது

பல நிலைகளிலும் பிரசவ வலி வரும், ஆனால் சுகப்பிரசவல் கண்டிப்பாக ஆகாது. உதாரணத்திற்கு 2 மட்டும் த்ருகிறேன்

1. Placenta Praevia
2. CPD

எனவே பிரசவ வலி வந்தால் பிரசவம் ஆகிவிடும் என்ற உங்கள் கூற்று நையாண்டியே தவிர வேறு ஒன்றுமில்லை. அளவிற்கு மீறினால் நையாண்டியும் நஞ்சு தான்

அப்படி ஆகும் பொழுது சில சமயம் குழந்தாயின் நிலை மாறிவிடும், வேறு பல சிக்கல்களும் வரும்) வராமல் மட்டுபடுத்தி சிசேரியன் செய்ய அல்ல.

இது போன்ற நையாண்டி வரிகளுக்கு விளக்கம் தேவையில்லை

எத்தனை பேர், மருத்துவரின் தவறுக்கு அவரிடம் வில்லங்கம் செய்கிறார்கள்?

பலர். நாளிதழ்களை படித்தாலே தெரியும். மேலும் பலர் மருத்துவர் தவறு செய்யாவிட்டாலும் கூட அவரிடம் வில்லங்கம் செய்கிறார்கள். [உதாரணம் வேண்டுமா :) :) :) :) ] {இது உள்குத்து அல்ல - வெளிகுத்து :) :) :) } சந்தேகம் இருந்தால் நான் அளித்த சுட்டிகளை பாருங்கள்

அவரவர், அவரவர் விதியினை நொந்து தானே செல்கிறார்கள்.
அப்படி செல்வது மருத்துவர் தான் :( :(

அடுத்து, சோதனை, டெஸ்ட் என்று நான் சொல்வது ஸ்டெத்-சோதனைகளையும், நாக்கை நீட்டி சோதனை செய்வதையும் கூறவில்லை,
இதை நீங்கள் முதலில் தெளிவாக கூறவில்லை

ஆனால் அதையும் நீங்கள் கூறி இருப்பது உங்கள் நகைச்சுவை உணர்வை காட்டினாலும், அதில் உங்கள் மழுப்பல் உணர்வே மேலோங்கி இருப்பதாக தெரிகிறது.
என்ன மழுப்பல். அது தெளிவான பதில் தான். எனது தெளிவான பதில்களையும் நான் எழுப்பிய கேள்விகளையும் ஒரு முறை படியுங்கள். எதாவது சந்தேகம் என்றால் குறிப்பிட்டு கேளுங்கள்.

நான் கேட்ட கேள்விக்கு நீங்கள் பதிலளிக்க வில்லை. ஏன். பதில் கூறங்கள் ச

மழுப்பல் மழுப்பல் என்று திரும்பத்திரும்ப கூறுவது ஏன்

மேலும் அந்த சோதனைகளை காசில்லாமல் செய்கிறோம் என்ற ஏளனமா? இல்லையே? அந்த சோதனைகளுக்கும் சேர்த்து தானே கட்டணம் வாங்குகிறீர்கள்.
ஆமாம். கண்டிப்பாக காசு வாங்குகிறோம். இதில் என்ன தவறு. மருத்துவர் காசு வாங்குவது தவறு என்ற உங்களில் கூற்று தான் நையாண்டி.

உங்களின் இரண்டாவது வரியே சொல்கிறது, உங்களின் முதல் வரி அர்த்தமற்றது என்று

ஏற்கனவே பார்த்து கொண்டிருக்கும் மருத்துவரின் மருந்துக்களும், வைத்திய முறைகளும் தீர்வை தரவில்லை என்று அடுத்த மருத்துவரை நாடும் பொழுது எடுக்க சொல்லும் டெஸ்டுகளை பற்றி நான் சொன்னால் நீங்கள் வேறு எதையோ பேசி சமாளிக்கிறீர்கள்.

அதுவும் இது போல் தான். நான் சமாளிக்க வில்லை, இது குறித்து தெளிவாக விளக்கியுள்ளேன். உங்களுக்கு எதாவது சந்தேகம் இருந்தால் குறிப்பிட்ட பதிவில் கேட்கவும்

ஏற்கனவே பார்த்து கொண்டிருக்கும் மருத்துவரின் மருந்துக்களும், வைத்திய முறைகளும் தீர்வை தரவில்லை என்று அரசு மருத்துவமனையை நாடும் பொழுது எடுக்க சொல்லும் டெஸ்டுகளை பற்றி நான் கூறிவிட்டேனே

படித்தீர்களா. ஏன் சார் பதிலை கூட படிக்காமல் நையாண்டி செய்கிறீர்கள்.

மீண்டும் அதே பரிசோதனைகளை செய்வதால் அரசு மருத்துவமனையில் வேலை பார்க்கும் மருத்துவருக்கு பொருளாதார ரீதியாக லாபம் கிடையாது. ஏன் வேலைப்பளு தான் கூட. அப்படி கூட அதிகம் வேலைப்பளுவை தாங்குவது நீதிமன்றத்திற்குத்தான். புரிகிறதா.

ட்ரிப்ஸ், சிரிஞ்சு, ஏன் எழுதி கொடுக்கிறீர்கள் என்று தெளிவில்லாமல் கேட்டது என் தவறு தான்.
அப்பாடா.

நான் சொல்வது தேவைக்கு மீறி, எழுதி கொடுப்பது ஏன்?

நான் சொல்வது தேவைக்கு மீறி கொடுக்கவில்லை.
தேவைப்பட்டது தான் தரப்படுகிறது என்று தான்.

என்ன தேவை, ஏன் தேவை என்று நான் தெளிவாக விளக்கி விட்டேன். ஆனால் உங்களின் குற்றச்சாட்டிற்கு நீங்கள் ஆதாரம் தர வில்லை.

பின்னர் அவர் ஒரு மாத்திரை வில்லை எழுதி கொடுப்பார் அது அங்கே இல்லை எனில் (அப்படி பெரும்பாலும் இருக்காது, ஏன் எனில் அவரே அங்கு ஸ்டாக் உள்ளத்தை தானே எழுதியே தருவார் )அங்கே உள்ளவர் மாற்றி ( மாற்றி கொடுப்பது என்பது வேறு ராசாயன கலவை கொண்டுள்ள மாத்திரை அல்ல, எல்லாம் ஒரே ராசாயனம், திறன், அளவு உள்ள மாத்திரை தான்) கொடுத்தாலும், ஒண்ணும் சொல்ல மாட்டார். ஆனால் நாம் வெளியே சென்று வாங்கி வந்துவிட்டால்? பிரச்சினை தான்? ஒண்ணும் சொல்ல முடியாத பட்சத்தில் இம்சை வேறு ரூபத்தில் வரும்.

இது குறித்தும் நான் தெளிவாக விளக்கி விட்டேன்.

உங்களின் அனைத்து கேள்விகளுக்கும் (அதில் பெரும்பாண்மை நையாண்டி கேள்வியாக இருந்தாலும்) தெளிவாக விளக்கிவிட்டேன்.

மேலும் சந்தேகம் இருந்தால் கேட்கவும்.

பின் குறிப்பு

ஒருவரிடம் கேள்வி கேட்க வேண்டுமென்றால் அவர் பதிவில் ஒரு பின்னூட்டம் இட்டால் தான் நீங்கள் கேட்டது தெரியும்

---

நையாண்டி நைனா பதிலளிக்காமல் மழுப்பிய நான் கேட்ட கேள்விகள்

1. அப்படி யென்றால் இதையத்துடிப்பு மானி (Stethoscope) வைத்து ஒரு நோயாளியை வாழ்நாளிலேயே ஒரு முறை தான் சோதிக்க வேண்டுமா ??
2. ஒரு நோயாளி மறுமுறை வந்தால் குறைந்த பட்சம் நாக்கை நீட்டச்சொல்லி பார்ப்பது கூட தவறா ??
3. இளங்கலை படித்த மருத்துவரும், முதுகலை படித்த மருத்துவரும், சிறப்பு மருத்துவரும் ஒரே கட்டணம் தான் வாங்க வேண்டுமா
   
4. இருபது வருடங்களுக்கு முன்னர் புறநோயாளி பிரிவிலேயே போலியோ என்று கூறலாம். இன்று பரிசோதனை (அதான் டெஸ்ட்) எடுத்து விட்டு தான் கூற வேண்டும் என்பது விதி. இது குறித்து உங்கள் கருத்து என்ன
   
5. மருந்து விற்பது எந்த விதத்தில் தவறு என்று கூற முடியுமா
   
6. நோயாளி இறந்த உடன் மருத்துவமனையை அடிப்பது என்னவாம்.
   
7. சிகிச்சை பலனின்றி நோயாளி இறந்தால் அந்த பகுதி தாதாக்களை வைத்து மருத்துவரை மிரட்டுவது குறித்து உங்கள் கருத்து என்ன
   
8. ஒரு மருத்துவமனைக்கு தேவைப்படும் மென்பொருள்,கணனி,மின்சாரம், நீர், வாகனம், பெட்ரோல் போன்றவைகளை அளிப்பவர்களும் சேவை மணப்பாண்மையுடன் செயல்பட வேண்டுமா அல்லது மருத்துவர்கள் மட்டும் செயல்பட்டால் போதுமா
   
9. ஒருமுறை மட்டும் இரத்தில் சர்க்கரை அளவை பார்த்து விட்டு வாழ்நாள் முழுவதும் வைத்தியம் பார்க்க வேண்டும் என்கிறீர்களா

நீங்கள் கேள்விகளை தொடர்ந்து கேட்கலாம்,
(நீங்கள் நான் கேட்டுவரும் கேள்விகளுக்கு பதிலளித்தாலும், அல்லது பதிலளிக்காமல் நழுவினாலும்) பதிலளிக்க நான் தயார்

இந்த இடுகை உங்களுக்கு பிடித்திருந்தால் மறக்காமல் வாக்களிக்கவும்.

• தமிழிஷ் தளத்தில் வாக்களிக்க இந்த சுட்டியை ஒரு முறை மட்டும் சுட்டவும் (க்ளிக் செயயவும்)
• தமிழ்மணத்தில் ஆதரவு வாக்களிக்க கீழுள்ள கருவிபட்டையில் மேல்நோக்கியுள்ள கைவிரலை சொடுக்கவும்

எவ்வளவு பிடித்தது என்பதை கீழே உள்ள நட்சத்திரங்களை சுட்டுவதன் மூலமும் தெரிவிக்கலாம்

Opinion

இந்த வலைபதிவிற்கு நேரடியாக (உலாவி மூலம்) வராமல் செய்தியோடை மூலமாகவும் இடுகைகளை தொடர்ந்து வாசிக்கலாம். செய்தியோடையை பெற இங்கு சுட்டவும்