பன்மனோபாவ ஒழுங்கின்மை நோய் பற்றி ஒரே போலிருக்கும் இரு கதைகள்

இந்த கதை உங்களுக்கு தெரியும் என்று நினைக்கிறேன்

• ஒரு சின்ன பையன் இருக்கிறான்.
  
• சின்ன வயசிலேயே அவனுக்கு தப்பு செய்கிறவர்களை பார்த்தால் பிடிப்பதில்லை
• அதனால் அவன் பன்மனோபாவ ஒழுங்கின்மை நோயால் பாதிக்கப்படுகிறான்
• இந்த நோயால் பாதிக்கப்பட்டவர்கள் சில நேரம் ஒரு நபரைப்போலவும், மற்ற நேரங்களில் வேறு நபரைப்போலவும் நடந்து கொள்வார்கள்
• அவர்கள் தாமாகவே நடந்து கொள்வது முதன்மை தன்முனைப்பு என்று அழைக்கப்படும்.
• வேறு நபரைப்போல் நடந்து கொள்வது மாற்று தன்முனைப்பு என்று அழைக்கப்படும்.
• அப்படி தாம் இரு வேறு நபர்களாக நடந்து கொள்வதே அவர்களுக்கு தெரியாது
  
• சிலர் ஒரு முதன்மை தன்முனைப்பும், ஒரு மாற்று தன்முனைப்பும் உடையவர்களாக இருப்பார்கள்
• வேறு சிலரோ ஒரு முதன்மை தன்முனைப்பும் பல மாற்று தன்முனைப்புகளும் உடையவர்களாக இருப்பார்கள்
  
• நம் கதையின் நாயகன் இயல்பில் பயந்த சுபாவம் உள்ளவன். 
• ஆனால் அவனது அடுத்த மனோபாவமோ (மாற்று தன்முனைப்போ) எந்த பயமும் இல்லாமல் தவறு செய்பவர்களை (அல்லது அவர்கள் தவறு செய்வதாக நாயகன் நினைப்பவர்களை) கொல்கிறது
• ஆனால் இந்த கொலைகளை தான் தான் செய்கிறோம் என்று கதாநாயகனுக்கு தெரியவில்லை.
  
• ஆனால் கதாநாயகனுக்கு தெரிந்த குற்றவாளிகள் மட்டுமே கொல்லப்படுகிறார்கள்
  
• இந்த நேரத்தில் வாலிப வயதில் நம்ம கதாநாயகன் ஒரு பெண்ணைக்காதலிக்கிறான். ஆனால் இதில் கூட பயம் தான்
  
• இங்கு கூட மாற்று தன்முனைப்பு தான் வேலை செய்கிறது 
  
• நம் கதாநாயகன் மாற்று தன் முனைப்பு பாத்திரமாக ஒரு பிராணியின் மேல் வருகிறான்.
  

இந்த கதை என்ன வென்று தெரிகிறதா.

இந்திரா சௌந்திரராஜன் எழுதி, பின்னர் நாகா அவர்களின் இயக்கத்தில் மின்பிம்பங்களின் தயாரிப்பில் சன் தொலைக்காட்சியில் 1998-1999 சக்கைபோடு போட்ட “மர்ம தேசம் - விடாது கருப்பு” என்ற தொலைக்காட்சி தொடரின் கதை தான் இது. அதற்கு முன்னர் வந்த விட்டு விடு கருப்பா தொடர்கதையின் கதை யோட்டம் சிறிது மாறுபட்டது

இந்த தொடரின் கதாசரியரின் பெயரையும், அல்லது அதை மேலும் மெருகேற்றிய இயக்குனர் நாகாவின் பெயரையும்  “பெயருக்கு கூட குறிப்பிடாமல்” அதே போல் “சுயமாக சிந்தித்து உருவாக்கப்பட்ட” மற்றொரு கதை 2005 திரைப்படமாக எடுக்கப்பட்டது கூட உங்களுக்கு தெரிந்திருக்கலாம்.

களம்	முதலில் (1997) வந்த கதை	அடுத்து (2004) வந்த கதை
கதாநாயகனின் மாற்று தன்முனைப்பு பாத்திரத்தின் வாகனம்	மிருகம் (குதிரை)	மிருகம் (எருது)
பாத்திரத்தின் பெயர்	கருப்பு	Stranger in Black
தப்பு செய்பவர்கள் அனைவரும் தண்டிக்கப்படுகிறார்களா	இல்லை	இல்லை
யார் தண்டிக்கப்படுகிறார்கள்	கதாநாயகனுக்கு தெரிந்தவர்கள் மட்டும்	கதாநாயகனுக்கு தெரிந்தவர்கள் மட்டும்
தண்டனை	அனைவருக்கும் ஒன்று தான்.	நபரை பொருத்து மாறுகிறது.

இன்றைய கேள்வி 1:
சும்மா தூங்குபவர்களை கூட கொல்லும் அந்நியன் திறமையை பின் தள்ளி சிபாரிசுக்கு முன்னுரிமை அளிக்கும் சபா அலுவலரை கொல்லாதது போல் சுஜாதாவும் சங்கரும் கதை அமைத்தது ஏன்.

இன்றைய கேள்வி 2:
தேவாவை ஜெராக்ஸ் கடை என்று கேலிச்ய்பவர்களில் / எழுதுபவர்களில் “சிலர்” இதுபோன்ற ”சில” அப்பட்டமான அறிவு திருட்டுக்களை கண்டு கொள்ளாதது ஏன்.

இன்றைய ஆதங்கம் 1:
தண்டனை / கேலி / பகடி / விமர்சணம் என்பதெல்லாம்  செய்யப்பட்ட செயலைப்பொருத்து அமையாமல் செய்த நபரை பொருத்து இருக்கும் நிலை என்று மாறும்

இந்த இடுகை உங்களுக்கு பிடித்திருந்தால் மறக்காமல் வாக்களிக்கவும்.

• தமிழிஷ் தளத்தில் வாக்களிக்க இந்த சுட்டியை ஒரு முறை மட்டும் சுட்டவும் (க்ளிக் செயயவும்)
• தமிழர்ஸ், ஈதமிழ், நியூஸ்பானை, நெல்லைதமிழ் ஆகிய தளங்களில் வாக்களிக்க இந்த சுட்டியை ஒரு முறை மட்டும் சுட்டினால் (க்ளிக் செய்தால்) போதும்
• தமிழ்மணத்தில் ஆதரவு வாக்களிக்க கீழுள்ள கருவிபட்டையில் மேல்நோக்கியுள்ள கைவிரலை சொடுக்கவும்

எவ்வளவு பிடித்தது என்பதை கீழே உள்ள நட்சத்திரங்களை சுட்டுவதன் மூலமும் தெரிவிக்கலாம்

இந்த வலைபதிவிற்கு நேரடியாக (உலாவி மூலம்) வராமல் செய்தியோடை மூலமாகவும் இடுகைகளை தொடர்ந்து வாசிக்கலாம். செய்தியோடையை பெற இங்கு சுட்டவும்