அதிகம் ஆதாய உரிமை பெற வேண்டுமென்றால் என்ன செய்ய வேண்டும் - பாகம் 2

எனது முதல் இடுகைக்கு (10 சதம் ஆதாய உரிமை (ராயல்டி) என்பது சரியா ?? பதிப்பகங்கள் ஆசிரியர்களை ஏமாற்றுகின்றனவா - பாகம் 1) வந்த மறுமொழிகளில் எழுப்பட்ட கேள்விகளில் சிலவற்றிற்கு தொடர்ந்து வரும் இடுகைகளில் பதிலிருக்கிறது

அப்படி பதில் வராத இடுகைகளுக்கு இந்த இடுகைத்தொடரின் அடுத்த இடுகையில் தனியா, விரிவாக பதிலளிக்கிறேன்

ஒரு ஆசிரியர் நூல் எழுதினால் அதற்கான தொகையை பதிப்பகத்திடம் இருந்து இரு விதங்களில் பெற்றுக்கொள்ளலாம்

1. மொத்தமாக இவ்வளவு தொகை என்ற ரீதியில்
2. விற்கப்படும் பிரதிகளை பொருத்து - அல்லது விற்கப்படுவதாக பதிப்பகம் கூறும் எண்ணிக்கையை பொருத்து

இதில் மொத்தமாக பணம் பெறுவது என்பதில் இருக்கும் சாதகம் என்னவென்றால் ஆசிரியர் நூல் விற்றதா,இல்லையா என்று கவலைபப்ட வேண்டியதில்லை. ஆனால் நூல் 100 பிரதிகள் விற்றாலும், 1,00,000 பிரதிகள் விற்றாலும் அதே அளவு காசுதான்

பிரதிகளை பொருத்து என்பதில் உள்ள சாதகங்கள் என்னவென்றால், நூல் அதிகம் விற்றால் அதற்கேற்ப பணமும் கிடைக்கும். இதில் உள்ள பாதகம் என்னவென்றால் நூல் குறைவாக விற்றால் பணம் குறைவாக கிடைக்கும்

இனி இந்த முறையை மேலும் ஆராய்வோம்

ஆதாய உரிமை = ஒரு நூலிற்கான பணம் x விற்கப்படுவதாக கூறப்படும் நூல்களின் எண்ணிக்கை

• இதில் ஒரு நூலிற்கான பணம் = நூலில் அட்டை விலை x ஆதாய உரிமை சதம்
• ஆக நூலின் அட்டை விலை அதிகம் இருந்தாலும் அதிகம் பணம் கிடைக்கும்.
• ஆதாய உரிமை சதம் அதிகம் இருந்தாலும் அதிக பணம் கிடைக்கும்
• அதே போல் விற்கப்படுவதாக கூறப்படும் நூல்களின் எண்ணிக்கை = உண்மையில் விற்கப்பட்ட நூல்கள் - ஆசிரியர் பணம் பெறாத நூல்கள்
• ஆக அதிகம் நூல்கள் விற்றால் அதிக பணம்
• அதாவது “திறமை”யான பதிப்பகத்தில் உங்களின் புத்தகத்தை பதிப்பித்தால் அதிக பணம்.
• அதே போல் அதிகம் நபர்கள் வாசிக்கவல்ல நூலாக இருந்தால் அதிக பணம். உதாரணமாக நீரிழிவு நோய் அல்லது குழந்தை வளர்ப்பு குறித்த நூலை எழுதுவதன் மூலம் கிடைக்கும் பணமானது கணைய புற்று நோய் குறித்து நூலை எழுதுவதன் மூலம் கிடைக்கும் பணத்தை விட அதிகம். அதே போல் நிகோபாரி மொழியில் எழுதப்படும் நூலை விட தமிழ் நூல் அதிகம் விற்கும் . தமிழ் நூலை விட ஆங்கில நூல் அதிகம் விற்கும். இது எளிய உண்மை. தமிழகத்தின் ஆதாய உரிமை குறித்த விவாதங்களின் போது ஆங்கில ஆசிரியர்களின் ஆதாய உரிமையைக்காட்டுவது அல்லது ஆங்கில புத்தகங்களின் விற்பனை எண்ணிக்கையை காட்டுவது கண்டு அழுவதா, சிரிப்பதா என்று தெரியவில்லை !!!
• ஏற்கனவே பிரபலமான ஆசிரியர் என்றால் விற்பனை அதிகம். உதாரணமாக உல்பா குறித்து நான் எழுதும் நூலை விட பா.ராகவனின் நூல் அதிகம் விற்கும்
• ஆசிரியரால் அதிக நூல்களுக்கு பணம் பெற முடியாத சூழல் இருந்தால் குறைந்த அளவு பணம் - அதாவது நேர்மையான பதிப்பகத்தில் உங்கள் புத்தகத்தை பதிப்பித்தால் அதிக பணம்

ஆக ஒரு நூலின் ஆசிரியர் பெரும் ஆதாய உரிமையின் மொத்த அளவானது கீழ்க்கண்ட ஆறு காரணிகளினால் அதிகரிக்கிறது

• நூலில் அட்டை விலை - அதிகம் பக்கம் உள்ள நூல்கள், அல்லது வண்ணத்தில் அச்சிடப்படும் நூலகள்
• ஆதாய உரிமை சதம்
• அந்த நூலின் தலைப்பு / கருப்பொருளுக்கான வாசகர் எண்ணிக்கை
• அந்த ஆசிரியரின் வாசகர் எண்ணிக்கை
• பதிப்பகத்தின் திறமை - இதில் அவர்களின் வீச்சு, அவர்களின் சந்தைப்படுத்துதல், அவர்களின் தொடர்பு என்று பல காரணிகள் உள்ளன. இவற்றை விரிவாக பின்னர் பார்ப்போம்
• பதிப்பகத்தின் நேர்மை

இதில் எதுவெல்லாம் பதிப்பகத்தின் கட்டுப்பாட்டில் உள்ளவை என்று பார்த்தால்

• நூலில் அட்டை விலை -
• அதிகம் பக்கம் உள்ள நூல்கள்,
• வண்ணத்தில் அச்சிடப்படும் நூல்கள்
• நல்ல தாளில் அச்சிடப்படும் நூல்கள்
• ஆதாய உரிமை சதம்
• இது இருவரும் கூட்டாக அமர்ந்து பேசி முடிவெடுக்க வேண்டியது
• பதிப்பகத்தின் திறமை
• பதிப்பகத்தை தேர்ந்தெடுக்கும் உரிமை ஆசிரியருக்கு உள்ளதால் இது மறைமுகமாக ஆசிரியரின் கட்டுப்பாட்டில் உள்ளது
• பதிப்பகத்தின் நேர்மை
• பதிப்பகத்தை தேர்ந்தெடுக்கும் உரிமை ஆசிரியருக்கு உள்ளதால் இது மறைமுகமாக ஆசிரியரின் கட்டுப்பாட்டில் உள்ளது

அதைப்போல் ஆசிரியரின் கட்டுப்பாட்டில் உள்ளவை

• ஆதாய உரிமை சதம்
• இது இருவரும் கூட்டாக அமர்ந்து பேசி முடிவெடுக்க வேண்டியது
• பதிப்பகத்தை தேர்வு செய்யும் உரிமை
• பதிப்பகத்தின் திறமை -
• இதில் அவர்களின் வீச்சு
• எவ்வளவு கடைகளின் அவர்களின் புத்தகங்கள் கிடைக்கின்றன,
• எத்தனை ஊர்களில் கிடைக்கின்றன
• இணையம் மூலம் கிடைக்குமா
• தபால் மூலம் கிடைக்குமா
• வெளிநாட்டில் கிடைக்குமா
• அவர்களின் சந்தைப்படுத்துதல்
• விளம்பரம் செய்வார்களா
• மக்கள் மத்தியில் தெரிந்த பதிப்பகமா
• புத்தகத்தின் விற்பனையை அதிகரிக்க வேறு ஏதாவது உத்திகள் முயற்சிக்கிறார்களா,
• அவர்களின் தொடர்பு
• மொழிபெயர்க்க முடியுமா
• பதிப்பகதுடன் பிற மொழி பதிப்பகங்கள் தொடர்பில் உள்ளார்களா
• பதிப்பகத்துடன் பிற நாட்டு பதிப்பகங்கள் தொடர்பில் உள்ளனரா
• பதிப்பகத்தின் நேர்மை
• 500 புத்தகம் விற்று 500 புத்தகத்திற்கும் 10 சதம் ஆதாய உரிமை அளிக்கும் பதிப்பகம் சிறந்ததா, அல்லது 500 புத்தகம் விற்று 50 புத்தகத்திற்கு 40 சதம் ஆதாய உரிமை அளிக்கும் பதிப்பகம் சிறந்ததா

ஆசிரியர், பதிப்பகம் இருவரின் கட்டுப்பாட்டிலும் கூட்டாக உள்ளவை

• ஆதாய உரிமை சதம்
• இது இருவரும் கூட்டாக அமர்ந்து பேசி முடிவெடுக்க வேண்டியது
• அந்த நூலின் தலைப்பு / கருப்பொருளுக்கான வாசகர் எண்ணிக்கை
• எனவே எவ்வகை நூல்களை வெளியிட்டால் அதிகம் பேர் வாசிப்பார்கள் என்பதை சிந்திக்க வேண்டியது அவசியம்
• அதில் சேர்க்கப்பட வேண்டியவை எவை
• அதில் தவிர்க்கப்பட வேண்டியவை எவை
• இது ஆசிரியரின் உரிமை என்றாலும், ஆசிரியரை விட பதிப்பகங்கள் சந்தையின் போக்கை அதிகம் அறிந்தவர்கள் என்பதால் அவர்களுடன் சேர்ந்து முடிவெடுப்பது நல்லது

இருவரின் கட்டுப்பாட்டிலும் இல்லாதவை

• அந்த ஆசிரியரின் வாசகர் எண்ணிக்கை

இதுவரை கூறப்பட்டதில் ஏதாவது சந்தேகம் இருந்தால் கேட்கவும்.
வேறு கேள்விகள், சந்தேகங்கள் இருந்தால் கேளுங்கள்

• அறிந்திருந்தால் பதில் சொல்கிறேன்
• அறியவில்லை என்றால் தெரிந்து கொண்டு விடையளிக்க முயல்கிறேன்

இந்த இடுகைத்தொடரின் மூன்றாவது இடுகை

• புத்தகம், ஆதாய உரிமை, விற்பனை அதிகரிப்பது மற்றும் ”தகுந்த” பதிப்பகம் அடையாளம் காண்பது எப்படி பாகம் 3

இந்த இடுகைத்தொடரின் நான்காவது இடுகை

• பதிப்புரிமை கிலோ என்ன விலை - சொந்த / நொந்த அனுபவம் - ஆசிரியர், புத்தகம், வருமானம் : பாகம் 4

இந்த இடுகைத்தொடரின் ஐந்தாவது இடுகை

• புத்தகம் வருமானம், ஆதாய உரிமை, ராயல்டி பாகம் 5 - சந்தேகங்களுக்கு விடைகள்

இந்த இடுகை உங்களுக்கு பிடித்திருந்தால் மறக்காமல் வாக்களிக்கவும்.

• தமிழிஷ் தளத்தில் வாக்களிக்க இந்த சுட்டியை ஒரு முறை மட்டும் சுட்டவும் (க்ளிக் செயயவும்)
• தமிழ்மணத்தில் ஆதரவு வாக்களிக்க கீழுள்ள கருவிபட்டையில் மேல்நோக்கியுள்ள கைவிரலை சொடுக்கவும்

எவ்வளவு பிடித்தது என்பதை கீழே உள்ள நட்சத்திரங்களை சுட்டுவதன் மூலமும் தெரிவிக்கலாம்

Opinion

இந்த வலைபதிவிற்கு நேரடியாக (உலாவி மூலம்) வராமல் செய்தியோடை மூலமாகவும் இடுகைகளை தொடர்ந்து வாசிக்கலாம். செய்தியோடையை பெற இங்கு சுட்டவும்