வழித்தடங்கள் 04 பிப்ரவரி 2010 : தமிழ்மணம் விருதுகள் 2009. நன்றி மற்றும் சில கருத்துக்கள் தெரிவித்தல்

தமிழ்மணம் 2009 போட்டியில் போட்டியிட்ட இரு பிரிவுகளிலும் வெற்றி பெற வைத்த சக பதிவர்களுக்கும், வாசகர்களுக்கும் போட்டியை நடத்திய தமிழ்மண நிர்வாகத்திற்கும் நன்றியை தெரிவித்துக்கொள்கிறேன்

பிரிவு: விளையாட்டு, உடல் ஆரோக்கியம், உடல்நலம் மற்றும் சமையல் தொடர்பான கட்டுரைகள் :
இடுகை : தாய்ப்பாலின் சிறப்புகள் தெரியுமா உங்களுக்கு : சிசேரியனும் தாய்ப்பாலும் - மூடநம்பிக்கையும் உண்மை நிலவரமும்
பரிசு : முதல் பரிசு

பிரிவு : அறிவியல், விவசாயம், சுற்றுச்சூழல், மருத்துவம், தொழில்நுட்பக் கட்டுரைகள் :
இடுகை : தடுப்பூசி தகவல்கள் : தடுப்பூசிகள் ஆபத்தானவையா!!
பரிசு : இரண்டாம் பரிசு

வெற்றி பெற்ற அனைவருக்கும் வாழ்த்துக்கள்

-oOo-

போட்டியில் வெற்றி பெற்ற கோவி.கண்னன் கூறியதை போல் புதியவர்களுக்கு மேலும் வழிவிட அடுத்த (இந்த) ஆண்டு போட்டி நடைபெற்றால் அதில் கலந்து கொள்ளப் போவதில்லை என்று முடிவு செய்திருக்கிறேன்.

-oOo-

இந்த நேரத்தில் தமிழ்மணம் நிர்வாகத்தினருக்கு சில ஆலோசனைகள் :

1. நான் முதலில் எதிர்ப்பார்த்தபடியே ஒருவர் இரு பிரிவுகளில் மட்டுமே போட்டியிட வேண்டும் என்ற விதியினால் எந்த பலனும் இருப்பதாக தெரியவில்லை.

எனவே அந்த விதியை நீக்கிவிட்டு ஒருவர் எத்தனை பிரிவுகளில் வேண்டுமென்றாலும் போட்டியிடலாம் என்று மாற்றம் செய்ய வேண்டும்

அதே நேரம்

2. ஒரு முறை வெற்றி பெற்ற ஒருவரை மீண்டும் போட்டியிடவிடாமல் தடை செய்வது என்பது சரியா என்பது விவாதத்திற்குரிய கேள்வியே

ஆனால் அவர் அந்த பிரிவில் போட்டியிடக்கூடாது என்று சட்டம் கொண்டு வருவது தவறில்லை என்றே நினைக்கிறேன்

ஒரு முறை ஒரு பிரிவில் முதல் பரிசு பெற்றவர், அதன் பிறகு அந்த பிரிவில் போட்டியிடுவதற்கு தமிழ்மணம் தடை விதிக்க வேண்டும் 

மீதியிருக்கும் பிரிவுகளில் போட்டியிடலாம்

இதன் மூலம் சில பிரிவுகளில் சிலர் மட்டுமே ஆதிக்கம் செலுத்துவதை தடுக்க முடியும் என்று நினைக்கிறேன்

3. டிசம்பர் மாதம் எழுதப்படும் இடுகைகளை போட்டியில் இணைக்க முடியவதில்லை. ஏன் அந்த மாதம் மேல் ஓரவஞ்சனை :) :)

அடுத்த வருட போட்டிக்கு டிசம்பர் 1, 2009 முதல் நவம்பர் 30, 2010 வரை உள்ள இடுகைகள் தகுதி பெறும் என்று அறிவித்தால் நன்றாக இருக்கும் என்று நினைக்கிறேன்

-oOo-

தென்னைமரங்களிலும் பனைமரங்களிலும் குலை தள்ளும் போது அதைச்சுற்றி வலைமாதிரி தென்படுவதை கிராமப்புறங்களில் பன்னாடை என்றழைக்கிறார்கள். 

இந்த பன்னாடையை இயற்கை படைத்த நோக்கம் வேறு. ஆனால் நம் மக்கள் அதை வடிகட்டியாகவே (பில்டர்) பயன் படுத்தி வந்தார்கள். (முக்கியமான கள் இறக்கும் போது, அதை வடிகட்ட இது பயன் பட்டது

• ஆக வடிகட்டிமுடித்த பின்னர் அழுக்குகள், கசடுகள் பன்னாடையில் தங்கி விடும். அதாவது தேவையானவற்றை விட்டு விட்டு தேவையில்லாதவற்றை தக்க வைப்பதே பன்னாடையின் குணம்
• ஆனால் முறம் இதற்கு நேர் எதிர். அது தேவையில்லாதவற்றை விட்டு விட்டு தேவையானதை தக்க வைத்துக்கொள்ளும்

-oOo-

2009 வரை மாத வருமானம் 1999 வரை உள்ளவர்களுக்கு மட்டுமே தமிழக அரசு மருத்துவமனைகளில் இலவச சிகிச்சை அளிக்கப்பட்டு வந்தது. மாதவருமானம் 2000 ரூபாய் மற்றும் அதற்கு மேல் உள்ளவர்கள், அரசு மருத்துவமனைகளில் சிகிச்சை பெற பணம் செலுத்த வேண்டும்.

இதனால் நீரிழிவு நோய்க்கு வழங்கப்படும் இன்சுலின் ஊசி பெற வேண்டுமென்றால் வருவாய் துறையினரிடம் சென்று சான்றிதழ் பெற வேண்டும் என்று சில மருத்துவமனைகளில் கூறியதாக தெரிகிறது. அதை விட கொடுமை, யாரையாவது நாய் கடித்து விட்டால் அவரிடம் கூட வருமான சான்றிதழ் பெற்றுக்கொண்டே ஊசி போடுவேன் என்று சில இடங்களில் வலியுறுத்தியுள்ளார்கள்

இந்த விதி மாற்றப்பட்டு கிட்டத்தட்ட ஒரு வருடம் ஆகி விட்டது.  சந்தேகமிருந்தால் மேலும் விபரங்களுக்கு http://www.tn.gov.in/tamiltngov/policynotes/announcements/health_t.pdf கோப்பினை பார்க்கவும்

தமிழ்நாட்டில் உள்ள அனைத்து அரசு மருத்துவமனைகளிலும் மாத வருமானம் ரூ.1999-க்கு கீழ் உள்ளவர்களுக்கு மட்டுமே இலவசமாக சிகிச்சை அளிக்கப்படுகிறது. நடப்பாண்டு முதல் வருமான வரம்பின்றி அரசு மருத்துவமனைகளில் அனைவருக்கும் இலவச சிகிச்சை அளிக்கப்படும்.

தமிழின் முக்கிய வெகுஜன ஊடகத்தில் பணிபுரியும் நண்பர் ஒருவரிடம் பேசிக்கொண்டிருந்த போது தான், ஊடகத்துறையில் இருக்கும் பலருக்கே இந்த மாற்றம் குறித்து தெரியவில்லை என்பதை அறிந்து கொண்டேன் !! 

மருத்துவமனைக்கு பின்னால் குப்பை கொட்டி கிடக்கிறது போன்ற புகார்களை பூதகரமாக எழுதுபவர்கள் இது போன்ற நல்ல விஷயங்களுக்கும் சிறு இடம் ஒதுக்கினால் கூட அனைவரும் பயன் பெறுவார்கள்

ஆனால் அப்படி செய்வதில்லை ! தவறுகளை மட்டுமே சுட்டிக்காட்டி பெரிதாக்கி அரசின் நல்ல திட்டங்களை, மக்களுக்கு பயன் பெறும் விஷயங்களை இருட்டடிப்பு செய்கிறார்கள் ! ஏன் ?

ஊடக்த்துறையிலும், வலைப்பதிவிலும் முறங்கள் குறைவாகவும், பன்னாடைகள் அதிகமாகவும் உள்ளதே காரணம்.

நீங்கள் முறமா, பன்னாடையா ?

இந்த இடுகை உங்களுக்கு பிடித்திருந்தால் மறக்காமல் வாக்களிக்கவும்.

• தமிழிஷ் தளத்தில் வாக்களிக்க இந்த சுட்டியை ஒரு முறை மட்டும் சுட்டவும் (க்ளிக் செயயவும்)
• தமிழ்மணத்தில் ஆதரவு வாக்களிக்க கீழுள்ள கருவிபட்டையில் மேல்நோக்கியுள்ள கைவிரலை சொடுக்கவும்

எவ்வளவு பிடித்தது என்பதை கீழே உள்ள நட்சத்திரங்களை சுட்டுவதன் மூலமும் தெரிவிக்கலாம்

Opinion

இந்த வலைபதிவிற்கு நேரடியாக (உலாவி மூலம்) வராமல் செய்தியோடை மூலமாகவும் இடுகைகளை தொடர்ந்து வாசிக்கலாம். செய்தியோடையை பெற இங்கு சுட்டவும்